“Dignità e cori in manu:  Chista è a liggi do Vuccanu!”

 

Cari amici, tutti pari,

Commercianti e giunnalari,

Dai…sapemuni ariulari,

E stu ventu ciauriari.

Potta pioggia e auttri cosi,

Ca u rumbrella nun ci abbasta,

Azziccamuni nde casi,

e assuppamuni a tempesta.

Stu Catania n’addulura…

Ni fa veniri di ittari,

Cancia puri l’allenaturi,

Ma semu, ancora, ammenz’o mari.

Ni sta Terra dei Fucuni,

Sbamba sulu cu avi a ligna,

Cu non l’avi e fa mbriugghiuni,

U so nomu picca aregna.

Abbissamuci u parruccu,

A sti quattru imprenditori

Pi st’amuri ca nun mori,

Ammuttamulu stu sceccu.

Nun mbrattamuni l’unuri,

N’ammuccamu chiu puppetta,

N’addivamu chiu nfamuni,

A cu a Storia n’arispetta.

E sringemuni, tutt’assemi,

Ca u palluni è sempri n’gnocu,

Si u Catania l’hai nde vini,

A parola cunta pocu!

Testa iauta e uci n’fora 

Abbrazzamuni e cantamu

“Dignità e cori in manu:

Chista è a liggi do Vuccanu!”

Testo e metrica a cura di Pietro Santonocito